സ്നേഹശരങ്ങള് എയ്തു ഞാന്
സാമോദമോടിങ്ങിരിക്കുമ്പോള്
ശ്രിംഗാര ഭാവത്താല് എത്തുമെന്നോര്ത്ത്
സുന്ദരി നീയെന്തെ വൈകുന്നിനിയും
നോവേറും മനസ്സിലെ ആശകള് ഇനിയും
നൊമ്പരം അറിയാതെ നിന്നിലാണോ
നിര്വ്രുതിയില് വീണുലയിച്ചിടുന്നെ
നിര്മ്മലെ നീയെന്തെ വൈകുന്നിനിയും
എത്രനാള് ഇരുന്നാലും എത്തുകില്ലേ
എത്രനാള് കാത്താലും നീ എത്തുകില്ലേ
എത്രയോ സുരഭില സുന്ദരനിമിഷങ്ങളെ
എന്നില് പകരാന് നീ വൈകുന്നതെന്തിനിയും
ഹരിതമാം ആശ്രമ പൂങ്കാവനത്തിലെ
ഹ്രിദയമാം തല്പ്പത്തില് ഇരിക്കുകില്ലേ
ഹംസങ്ങള് നീന്തുന്ന തെളിനീര് തടാകത്തിലെ
ഹിമബിന്ദുവാകാന് നീ വൈകുന്നതെന്തിനിയും
ആര്ദ്രമാം എന്നിലെ മോഹങ്ങള് ഒക്കെയും
അറിയാതെ നിന്നെ കൊതിക്കുന്നു എപ്പൊഴും
അനുരാഗ വിവശം എന് നാളുകള് എന്നെയും
അണയുവാന് നീയെന്തെ വൈകുന്നിനിയും
മധുരമാം നിന്റെയാ മൊഴികളില് അലിയുവാന്
മധുകണം ഇറ്റുന്ന അധരങ്ങള് അറിയുവാന്
മാറിലെ ചൂടില് നീ തലചായ്ക്കുമെന്നോര്ത്തു
മോഹിനി നീയെന്തെ അണയാതിരിക്കുന്നിനിയും..?
Nov 2, 2008
Subscribe to:
Posts (Atom)