സ്നേഹം

സ്നേഹം
ആത്മാര്‍ത്ഥമായൊരെന്‍ ഹ്രുദയത്തില്‍ നിന്നുയിര്‍-
കൊണ്ടതാണീയെന്റെ സ്നേഹം..
അളവില്ലാ നിറയുമീ അക്ഷയപാത്രമെന്‍-
ഹ്രുദയത്തില്‍ നിന്നുള്ള സ്നേഹം..
തപ്തമാമെന്‍ മനസ്സില്‍ അളവില്ലാതുയരുന്ന-
മോഹങ്ങളാണെന്റെ സ്നേഹം..
കാണുവാന്‍ വെമ്പുമൊരു സ്വപ്നത്തിലുദിച്ചൊരു-
ഓമലാളിന്നുള്ളതാണീ സ്നേഹം..
വിഷമത്തിലും കൂടെ തണലായ് നില്‍ക്കുമെന്‍-
പ്രിയ സ്നേഹിതര്‍ക്കുള്ളതാണീ സ്നേഹം..
പ്രിയ മുള്ളവരെന്നെപ്പൊഴും ചൊല്ലുവോര്‍-
തട്ടിക്കളഞ്ഞതും ഈയെന്റെ സ്നേഹം..
സ്നേഹത്തിനേകുവാന്‍ പകരമായ് ഞാന്‍ എന്റെ-
കൂടെ കരുതുന്നതും ഈ സ്നേഹം..
ഇഷ്ടമെന്നോതിയെന്‍ കൂടെ നടന്നൊരു-
കാമുകിയും തട്ടിക്കളഞ്ഞതീ സ്നേഹം..
സുഹ്രുത്തുക്കള്‍ എനിക്കളവില്ലാതെപ്പൊഴും-
നല്‍കുന്നതും തീരാ സ്നേഹം..
കണ്ടനിമിഷത്തിലെന്‍ മോഹമായ് മനസ്സില്‍ നിന്നാ-
പെണ്‍കൊടിയോടും എനിക്കീ സ്നേഹം..
ഓടിയടുത്തവള്‍ ചാരെ, കിതച്ചു ഞാന്‍-
അവളോട് ചോദിച്ചതും സ്നേഹം..
തെല്ലു..തമാശയായ് ആശ്ചര്യമോടവള്‍-
തരുവാനായ് നീ കേട്ടതോ സ്നേഹം..?
ഇല്ല, എനിക്കേകുവാന്‍ കഴിയില്ല ..എന്നവള്‍-
ഉറച്ചു പറഞ്ഞതും സ്നേഹം..
കൊടുത്തുപോയെന്‍ സ്നേഹം, ഇനിയെന്തു ചെയ്യുവാന്‍
മടക്കി വാങ്ങാവുന്നതോയീ സ്നേഹം..
ശ്രമിക്കനീ ഇനിയൊരു അഭ്യര്‍ഥനയുമായി
നിരസിക്കാന്‍ വയ്യാത്തതാണീ സ്നേഹം..
നിനക്കായ് സ്നേഹത്തിന്‍ താലവുമായ് വരുമൊരുവള്‍-
ക്കേകുക നിന്റെയീ സ്നേഹം..
സ്നേഹിക്കാന്‍ കഴിയുമീ മനസ്സുമായ് ഞാനിനി
സ്നേഹത്തിന്‍ നാട്ടില്‍ നിന്നെങ്ങുപോകാന്
‍ദാഹിച്ചു വലയുമീ സ്നേഹാര്‍ത്ഥിയാമെന്നെ
മോഹിപ്പതിന്നാരുമില്ലേ..?
തുളുമ്പുമെന്‍ സ്നേഹത്താല്‍ നിറച്ചൊരു മനസ്സുമായ്
സ്നേഹിതര്‍ക്കായ് ഞാന്‍ ഇരിക്കാം..
ഒരു നാളില്‍ അവള്‍വന്നു ചൊല്ലുമോയെന്നോട്
സ്നേഹമാണെനിക്കെന്നുംനിന്നോട്
പറയുവാന്‍ കഴിയാതെ വിതുമ്പുന്നതാണീയെന്റെ
അലയടിച്ചുയരുന്ന സ്നേഹം..